ئەمشەو شاندێکی حکومەتی هەرێم دەچێتە بەغدا و بڕیارە سبەینێ، سەرباری ئەوەی پشووە، لەگەڵ ژمارەیەک لە بەرپرسانی عێراقی کۆببنەوە.
شاندی هەرێم پێکهاتووە لە کەمال محەممەد، وەزیری سامانە سرووشتییەکان بە وەکالەت، ئومێد سەباح، سەرۆکی دیوانی ئەنجوومەنی وەزیران و ئامانج ڕەحیم، سکرتێری ئەنجوومەنی وەزیران.
لەو کۆبوونەوانەدا بڕیارە پرسی هەناردەکردنەوەی نەوت و داهاتی نانەوتی هەرێم بخرێنەبەرباس و یەکلایی بکرێنەوە.